गाई / भैँसी

1 गोठ व्यवस्थापन
2 आहरा व्यवस्थापन
3 प्रजनन व्यवस्थापन
4 स्वास्थ व्यवस्थापन

बस्ने ठाउँ जमिनबाट ५० से.मी. (एक हातजति) माथि उठेको ।
गाईगोठको चौडाइ ७ मी तथा लम्बाई आवश्यकताअनुसारको बनाउनु पर्छ ।
बस्ने ठाउँ अगाडिदेखि पछाडिसम्म १ः१०० को अनुपातमा भिरालो हुनुपर्छ ।
घासपात दिने डुँडको व्यवस्था हुनुपर्छ ।
गोठ बनाउँदा मुत्र बगेर जाने ७ से.मी. गहिरो र ३० से.मी. चाक्लो नालीको व्यवस्था गर्नुपर्छ र पिसाब आफैँ बगेर गई थुप्रने खाल्टो बनाउनु पर्छ ।
बस्ने ठाउँमा घाम वा प्रकाश छिर्ने बनाउनु पर्छ ।
ठण्डी ठाउँमा ताजा हावा खेल्ने झ्याल तथा अन्यमा विनापर्खालको बनाउन सकिन्छ ।
गोबर (मल) थुपार्ने ठाउँ अलग र पशुभन्दा कम्तीमा १० मिटर टाढा हुनुपर्छ ।
बस्ने ठाउँ ओभानो र खाल्टाखुल्टी नभएको हुनुपर्छ ।
गोठ बनाउँदा ठाउँ र अवस्था हेरी चारैतिर वा दुईतिर खुल्ला राख्न सकिन्छ । जाडो ठाउँमा घामको प्रकाश आउनेतिर खुल्ला राख्नु पर्छ । ज्यादै जाडोमा झ्याल राखी खोल्न र बन्द गर्न मिल्ने बनाउनु पर्छ ।
भुइँको क्षेत्रफलको कम्तीमा १० प्रतिशत भेन्टिलेसन हुनैपर्छ ।
गाई फार्ममा व्याउनुपुर्व १५ दिनजति र व्याएलगत्तै १५ दिन गरी करीब १ महिनाजति 

राख्नको लागि अलग्गै गोठको व्यवस्था (गाई प्रसुती गृह वा क्याटल म्याटरनिटी वार्ड) गर्न सकेको खण्डमा वाच्छीपाडीलाई राम्ररी हुर्काउन सकिने मात्र नभै गर्भिणी र सुत्केरी पशुको उचीत हेरविचार गर्न धेरै मद्दत पुग्छ ।